ஸ்ரீபெரும்புதூர் அருகே சென்னை பெங்களூர் தேசிய நெடுஞ்சாலையில் மது போதையில் வாலிபர் ஒருவர் திடீரென அரசு பேருந்து முன்பு அமர்ந்து சாலை மறியலில் ஈடுபட்டதால் பரபரப்பு ஏற்பட்டது.
ஸ்ரீபெரும்புதூர் அருகே சென்னை பெங்களூர் தேசிய நெடுஞ்சாலையில் மது போதை வாலிபர் ஒருவர் திடீரென அரசு பேருந்து முன்பு அமர்ந்து சாலை மறியலில் ஈடுபட்டதால் பரபரப்பு ஏற்பட்டது. தனது இரு சக்கர வாகனத்தை போக்குவரத்து காவலர் தள்ளிவிட்டதாகவும், தன்னை அடித்ததாகவும் நியாயம் கேட்டு வாக்குவாதத்தில் ஈடுபட்டார்.
அப்பொழுது அங்கிருந்த போக்குவரத்து காவலர் ஒருவர் மறியலில் ஈடுபட்ட போதை வாலிபரை அங்கிருந்து அப்புறப்படுத்தினார். இந்த சூழலில் போக்குவரத்து காவலர் தெய்வசிகாமணி தன்னை கன்னத்தில் அறைந்ததாகவும், தனது இரு சக்கர வாகனத்தை கீழே தள்ளிவிட்டதாகவும் கூறி வாக்குவாதத்தில் ஈடுபட்டார். இதனால் சிறிது நேரம் சென்னை பெங்களூர் தேசிய நெடுஞ்சாலையில் பரபரப்பு நிலவியது.
அந்த குடிகார வாலிபர் போக்குவரத்து காவலர் தெய்வசிகாமணியை பார்த்து, “நீ என் பைக்கை தள்ளி போடுறமாதிரி காரை கவுத்து போட வேண்டியதுதானே. அடிக்கும் போது குடிகாரனை பார்த்து தான் அடிக்க வேண்டும் என்று இருக்கிறதா என்ன. என்னை ஏன் அடித்தாய்?
ஏன் கார் காரன் உன்னிடத்தில் காசு கொடுத்து விட்டு போயிட்டானா உன்னிடத்தில் ஆயிரம் ரூபாய் பணம் கொடுத்து விட்டு என்னை அடிக்க சொன்னதால் நீ அடித்தாயா! அடிக்கும்போது மட்டும் என்னை தெரியவில்லையா?
என்னை அடித்தாலும் பரவாயில்லை. ஸ்டேஷனில் போய் உட்கார வைத்தாலும் பரவாயில்லை. என்னை ஜெயில்ல போய் உட்கார வைத்தாலும் பரவாயில்லை. நான் எல்லாத்தையும் வாங்கிக்கிறேன். ஆனால் நீ கார் காரனை விட்டாய் பார்த்தாயா? கார் காரனை விட தெரியுது? கார் காரன் இப்பொழுது இங்கே வந்தாங்க வேண்டும் கார் காரன் வராமல் நான் போக மாட்டேன் நான் இவரை விடமாட்டேன்.
இவர் அவர்களுக்காக என்னை அடித்தார். என்னை சாகடித்தாலும் பரவாயில்லை நான் இங்கிருந்து போக மாட்டேன்” என்று போக்குவரத்து காவலர் தெய்வசிகாமணியிடம் அந்த குடிகார வாலிபர் வாக்குவாதத்தில் ஈடுபட்டு அடம்பிடித்தது பெரும் பரபரப்பு ஏற்படுத்தியது.
தகவல் : TAMILSAMAYAM
